भारतीय सैन्यदलाच्या माऊंट मकाऊ मोहीमेदरम्यान नायक नारायण सिंह यांचे निधन

नवी दिल्ली : भारतीय सैन्यदलाच्या गिर्यारोहण मोहीमेच्या 18 सदस्यीय पथकाने 16 मे रोजी माऊंट मकालूवर यशस्वीरित्या चढाई करुन हे शिखर सर केले. मात्र शिखरावरुन उतरताना पथकातले एक सदस्य नायक नारायण सिंह यांचा मृत्यू झाला.

नायक नारायणसिंह हे उत्साही गिर्यारोहक होते. याआधी ही त्यांनी इतर गिर्यारोहण मोहिमेत भाग घेतला होता. निष्ठावान आणि शूर शिपाई म्हणून ते सर्वांच्या सदैव स्मरणात राहतील. माऊंट मकालू गिर्यारोहणाच्या दृष्टीकोनातून सर्वात धोकादायक आणि आव्हानात्मक मानले जाते.