मावळच्या जनतेला अजित पवार म्हणतात, पार्थला साथ द्या....

पुणे : आज माझ्यावर पोराला निवडून द्या म्हणण्याची वेळ आली आहे, त्यामुळे पार्थला साथ द्या असे भावनिक आवाहन अजित पवार यांच्या पहिल्या प्रचार सभेत केलं. मावळ येथे लोकसभेच्या प्रचार सभेमध्ये ते बोलत होते.

अजित पवार म्हणाले, निवडणुकीदरम्यान कोणी मॅच फिक्सिंग करायची नाही. रात्री एक आणि दिवसा एक असं केलं तर खपवून घेतलं जाणार नाही, अशा शब्दांत त्यांनी उपस्थितांना तंबी दिली.

शिरुर मतदार संघातून राष्ट्रवादीचे उमेदवार डाॅ. अमोल कोल्हे यांना मतदान करण्याचे आवाहन देखील त्यांनी यावेळी केलं.

दरम्यान, नितीन गडकरी म्हणतात सरकारमध्ये मला काम करु दिलं जात नाही. याचा अर्थ काय?, असा सवाल विचारत भाजपची हुुकूमशाही खपवून घेऊ नका, असा सल्लाही अजित पवार यांनी यावेळी दिला.