डॉ. डी. वाय. पाटील आयुर्वेद रुग्णालय व संशोधन केंद्राच्या वतीने मोफत आरोग्य तपासणी शिबिर

पिंपरी : संत तुकारामनगर येथील डॉ. डी. वाय. पाटील आयुर्वेद रुग्णालय व संशोधन केंद्राच्या वतीने 2 एप्रिल रोजी मोफत आरोग्य तपासणी शिबिराचे आयोजन करण्यात आले आहे. या शिबिरात व्यसनाधीन व्यक्तींसाठी मोफत उपचार व सल्ला मार्गदर्शन करण्यात येणार आहे.

व्यसनाधीन व्यक्तींमध्ये उपचारांबाबत जागरूकता निर्माण व्हावी तसेच विविध प्रकारच्या व्यसनांवर आयुर्वेदाद्वारे उपचार शक्य असल्याचा प्रचार व प्रसार व्हावा या उद्देशाने मोफत तपासणी शिबिराचे आयोजन केले गेले आहे. या शिबिरात डॉक्टरांच्या मार्गदर्शनाने तीन दिवसांची औषधे मोफत दिली जाणार आहेत.

हे शिबिर सकाळी 9 ते दुपारी 4 या वेळेत होईल. या शिबिराचा जास्तीत जास्त नागरिकांनी लाभ घ्यावा, असे आवाहन महाविद्यालयाच्या प्राचार्या डॉ. प्रा. मेधा कुलकर्णी यांनी केले आहे. अधिक माहितीसाठी जनसंपर्क अधिकारी भारती मराठे (8329152398) यांच्याशी संपर्क साधावा.