पिंपरी : केंद्र सरकारच्या स्वच्छ सर्वेक्षणात पिंपरी-चिंचवड महापालिकेची तिसऱ्या वर्षी देखील घसरण झाली आहे. राष्ट्रवादीच्या कार्यकाळात 'बेस्ट सिटी'ने गौरविलेल्या शहराचा भाजपने कचरा सिटी केली आहे. याला सत्ताधारी आणि प्रशासन जबाबदार असल्याचा आरोप करत राष्ट्रवादी काँग्रेसने सोमवारी महापालिका आयुक्त श्रावण हर्डीकर यांना कचऱ्याचा गुच्छ भेट देऊन अनोख्या पद्धतीने निषेध केला.
विरोधी पक्षनेते दत्ता साने यांनी आयुक्त हर्डीकर यांना गुच्छ आणि निवेदन दिले. यावेळी नगरसेवक विनोद नढे, संतोष कोकणे, राजू बनसोडे, नगरसेविका विनया तापकीर, माजी विरोधी पक्षनेते मच्छिंद्र तापकीर उपस्थित होते.
आता परत सन 2019 मध्ये 52 व्या क्रमांकावर फेकले गेले आहे. स्वच्छता अभियानाच्या फक्त जाहिराती सुरु आहेत. परंतु प्रत्यक्षात भाजपचा आणि आपला कारभार नियोजन शून्य आहे. भाजपच्या पदाधिकाऱ्यांचे केवळ मलई खाण्यावर लक्ष असल्यामुळे अद्याप कचऱ्याची समस्या गंभीर झालेली आहे. भाजपच्या पदाधिकाऱ्यांनी कचरासुध्दा सोडला नाही. त्यामुळे त्यांनी शहराचा कचरा करुन टाकला आहे. बेस्ट सिटीची भाजपने कचरा सिटी करुन टाकली आहे. भाजपच्या चुकीच्या धोरणामुळे शहरात सर्वत्र कचऱ्यांचे ढीग साठले आहेत. कचरा विलनीकरणाचा बोजवारा उडाला आहे.
शहरातील स्वच्छतेवर जास्त लक्ष देऊन शहराचा चेहरा मोहरा बदलला. त्यामुळे शहराला बेस्ट सिटी पुरस्कार मिळाला होता.परंतु, भाजपच्या राजवटीत शहराची सर्वच बाबतीच पिछेहाट झाल्याचा आरोप साने यांनी निवेदनातून केला आहे.
महापालिका आयुक्त श्रावण हर्डीकर यांना कचऱ्याचा गुच्छ भेट
Reviewed by साप्ताहिक एकच ध्येय
on
March 11, 2019
Rating:
No comments: